تربت میں افسوسناک واقعہ، اغواء کیے گئے 6 مزدوروں کی لاشیں برآمد

کوئٹہ( سید سردار محمد خوندئی )
کوئٹہ: معاون برائے میڈیا محکمہ داخلہ بابر یوسفزئی نے تصدیق کی ہے کہ تربت سے ملنے والی لاشیں 6 مزدوروں کی ہیں۔
محکمہ داخلہ کے مطابق شہید کیے جانے والے مزدوروں میں سے 4 کا تعلق پنجاب اور 2 کا تعلق خیبر پختونخوا سے ہے۔
پولیس ذرائع کے مطابق دو روز قبل ضلع کیچ کے علاقے کلاتک سے نامعلوم مسلح افراد نے 7 مزدوروں کو اغوا کیا تھا، اغوا کے فوراً بعد ایک مزدور کو فائرنگ کرکے شہید کر دیا گیا تھا جبکہ 6 مزدوروں کو مسلح افراد اپنے ساتھ لے گئے تھے۔
پولیس کا کہنا ہے کہ تمام 6 مغوی مزدوروں کو شہید کرنے کے بعد ان کی لاشیں ناصر آباد کے علاقے سے ملی ہیں، جنہیں پوسٹ مارٹم کے لیے ٹیچنگ ہسپتال تربت منتقل کر دیا گیا ہے۔