پاکستان اور چین نے علاقائی امن، استحکام اور ترقی کے فروغ کے لیے دوطرفہ تعاون کو مزید مضبوط بنانے کے اپنے پختہ عزم کا اعادہ کیا ہے۔ اس بات کا اظہار پاکستان کے نائب وزیراعظم اسحاق ڈار اور چینی وزیر خارجہ وانگ یی کے درمیان تیانجن میں شنگھائی تعاون تنظیم کے وزرائے خارجہ کونسل کے اجلاس کے موقع پر ہونے والی ملاقات کے دوران کیا گیا۔ رہنماؤں نے چین پاکستان اقتصادی راہداری (CPEC) اور کثیر الجہتی تعاون سمیت باہمی دلچسپی کے اہم شعبوں پر تفصیلی بات چیت کی۔ دونوں اطراف نے سدا بہار سٹریٹجک شراکت داری کو مضبوط بنانے پر زور دیا اور مختلف شعبوں میں جاری قریبی تعاون پر اطمینان کا اظہار کیا۔
0
