(Publish from Houston Texas USA)
(میاں افتخار احمد)
فیصل آباد: وزیراعلیٰ پنجاب مریم نواز شریف کے شعبہ صحت میں انقلابی اقدامات پر عملدرآمد کا جائزہ لینے کے لئے کمشنر فیصل آباد راجہ جہانگیر انور نے الائیڈ ہسپتال ون کا اچانک دورہ کیا اور اوپی ڈی، جنرل وارڈز اور ایمرجنسی سمیت مختلف شعبوں میں علاج معالجہ کے عمل کا مشاہدہ کیا۔ انہوں نے مریضوں اور لواحقین سے فری ادویات کی فراہمی کے بارے میں دریافت کیا اور واضح کیا کہ کسی مریض کو ادویات نہ ملنے کی شکایت ہرگز نہیں ہونی چاہیے۔ کمشنر نے صفائی کی صورتحال کا بھی معائنہ کیا اور ہسپتال میں ہر وقت صاف ستھرا ماحول برقرار رکھنے کی ہدایت کی۔ انہوں نے اوپی ڈی میں مریضوں کے رش کی صورت میں بہتر مینجمنٹ اپنانے، کینٹین پر اشیائے ضروریہ کی قیمتوں کی جانچ اور اوورچارجنگ کرنے والوں کے خلاف کارروائی کی تاکید کی۔ کمشنر نے کہا کہ مریضوں کو جدید، معیاری اور تیز رفتار طبی سہولیات کی فراہمی ہمارا بنیادی مشن ہے اور ہسپتال کو درکار مزید وسائل کی فراہمی کے لئے اقدامات کئے جائیں گے۔ میڈیکل سپرنٹنڈنٹ ڈاکٹر فہیم اشرف نے کمشنر کو انتظامی و طبی امور سے آگاہ کیا
