(Publish from Houston Texas USA)
(محمد منصور بٹ سے لاہور )
خواجہ سلمان رفیق کا یونیورسل ہیلتھ انشورنس کو پائیدار ماڈل پر استوار کرنے کا اعلان؛ معیاری علاج حکومت کی اولین ترجیح
پنجاب کے وزیر صحت خواجہ سلمان رفیق کی زیر صدارت پنجاب ہیلتھ انیشی ایٹو مینجمنٹ کمپنی (PHIMC) میں اہم اجلاس منعقد ہوا، جس میں یونیورسل ہیلتھ انشورنس، ایڈلٹ کارڈیک سرجری پروگرام، اسٹروک پروگرام اور کینسر پروگرام سمیت متعدد تاریخی صحت منصوبوں کا تفصیلی جائزہ لیا گیا۔ اجلاس میں سیکرٹری صحت پنجاب عظمت محمود خان نے ویڈیو لنک کے ذریعے شرکت کی جبکہ سی ای او ڈاکٹر علی رزاق اور دیگر اعلیٰ افسران بھی موجود تھے۔
اجلاس میں کمپنی کی جانب سے مختلف تجاویز پیش کی گئیں اور وزیر صحت کو مانیٹرنگ فریم ورک، سروس ڈیلیوری اور مریضوں کی سہولت کے لیے کیے گئے اقدامات پر بریفنگ دی گئی۔ خواجہ سلمان رفیق نے اس موقع پر کہا کہ صحت کے منصوبوں میں شفافیت، معیارِ سروس اور مریضوں کی سہولت حکومت کی ترجیحات میں سرفہرست ہیں۔ انہوں نے بتایا کہ وزیراعلیٰ پنجاب مریم نواز شریف کی قیادت میں صوبے کے شعبہ صحت میں جدید اصلاحات متعارف کرائی جا رہی ہیں۔
خواجہ سلمان رفیق نے مزید بتایا کہ کینسر، اسٹروک اور ایڈلٹ کارڈیک سرجری کے تاریخی منصوبے جلد آغاز کے لیے تیار ہیں جبکہ یونیورسل ہیلتھ انشورنس پروگرام کو ایک پائیدار اور مضبوط ماڈل کے تحت مزید مؤثر بنایا جا رہا ہے تاکہ زیادہ سے زیادہ شہری اس سہولت سے فائدہ اٹھا سکیں۔
سیکرٹری اسپیشلائزڈ ہیلتھ کیئر اینڈ میڈیکل ایجوکیشن عظمت محمود خان نے کہا کہ امپینلڈ ہسپتالوں میں مریضوں کو بہترین سہولیات فراہم کرنے کے لیے جامع حکمت عملی کے ساتھ تمام اقدامات جاری ہیں اور صوبے کے نظامِ صحت کو مزید مضبوط بنانے کے لیے ہر ممکن کوشش کی جا رہی ہے۔
