(Publish from Houston Texas USA)
(راجہ محمد ایوب/بیورو چیف منڈی بہاؤالدین)
ایڈوائزر صوبائی محتسب پنجاب ریجنل آفس منڈی بہاؤالدین آصفہ گل کی زیر صدارت بھکھی شریف میں کھلی کچہری کا انعقاد کیا، کھلی کچہری میں صوبائی محکموں کے خلاف لوگوں کی شکایات سنی گئیں۔ بعض شکایات کا فوری طور پر حل کر دیا گیا جبکہ دیرینہ شکایات کو بھی جلد از جلد ازالہ حل کرنے کی یقین دہانی کرائی گئی۔ ایڈوائزر محتسب آصفہ گل کا کہنا تھا کہ صوبائی محتسب پنجاب کے دفتر کا بنیادی مقصد صوبائی محکموں سے متعلق شکایات کا ازالہ کر کے عام لوگوں کو ان کی دہلیز پر فوری اور سستا انصاف فراہم کرنا ہے۔ محتسب پنجاب کے دفاتر میں شکایت درج کروانے کے لیے کسی قسم کی کوئی فیس نہ ہے اور نہ ہی سائل کو وکیل کی ضرورت ہوتی ہے، سائل کی شکایت براہ راست سنی جاتی ہے اور بعض اوقات فوری حل طلب شکایات کا موقع پر ہی فیصلہ کر دیا جاتا ہے۔ ایڈوائزر محتسب نے صوبائی محکمہ جات کے خلاف بد انتظامی، بد نظمی، بے جا تاخیر اور بدعنوانی اور کرپشن کی صورت میں حصول انصاف کے لیے محتسب پنجاب ریجنل آفس منڈی بہاءالدین سے رجوع کرنے پر زور دیا۔ انہوں نے بتایا کہ درخواست دہندگان اپنی درخواستیں موبائل ایپ یا ہیلپ لائن 1050 پر فون کر کے جمع کروا سکتے ہیں اور ویب سائٹ پر ازخود اسٹیٹس بھی چیک کر سکتے ہیں۔
