(Publish from Houston Texas USA)
(میاں افتخار احمد)
فیصل آباد: پنجاب کونسل آف آرٹس فیصل آباد ڈویژن اور آرٹ اینڈ ڈیزائن ڈیپارٹمنٹ گورنمنٹ کالج ویمن یونیورسٹی فیصل آباد کے اشتراک سے ’’روشنی تو ہم بھی ہیں‘‘ کے عنوان سے آرٹ نمائش کا انعقاد کیا گیا، جس میں آرٹ اینڈ ڈیزائن ڈیپارٹمنٹ کی سابقہ Alumini طالبات کے فن پارے پیش کئے گئے۔
نمائش میں مختلف سماجی موضوعات پر مبنی تخلیقی آرٹ ورک رکھے گئے جن کا مقصد طالبات کی فنی مہارتوں کو اجاگر کرنا اور آرٹ کے ذریعے معاشرتی مسائل کی عکاسی کرنا تھا۔ اس گروپ شو کی کیوریٹر اسسٹنٹ پروفیسر زین منظور تھیں۔
نمائش کا افتتاح کمشنر فیصل آباد راجہ جہانگیر انور اور وائس چانسلر جی سی ویمن یونیورسٹی پروفیسر ڈاکٹر کنول امین نے کیا۔ افتتاحی تقریب میں یونیورسٹی کی اساتذہ، طالبات اور شہریوں کی بڑی تعداد شریک ہوئی۔
کمشنر فیصل آباد نے کہا کہ ایسی آرٹ نمائشیں نوجوانوں کی تخلیقی صلاحیتوں کو فروغ دینے اور معاشرتی آگاہی کے لیے انتہائی اہم ہیں، اور انہیں مستقل بنیادوں پر جاری رہنا چاہیے
