منڈی بہاؤالدین میں پنجاب فوڈ اتھارٹی کی بڑی کارروائیاں — ناقص خوراک، ملاوٹ اور صفائی کی خلاف ورزیوں پر مقدمات و جرمانے

(Publish from Houston Texas USA)

(راجہ محمد ایوب/ بیورو چیف منڈی بہاؤالدین)

ڈائریکٹر جنرل پنجاب فوڈ اتھارٹی محمد عاصم جاوید کی ہدایت پر فوڈ سیفٹی ٹیموں کی ضلع منڈی بہاؤالدین کے مختلف علاقوں شہیدانوالی، پھالیہ، بھیرووال، منڈی بہاؤالدین شہراور فتو گاؤں میں شدید کاروائیاں،اشیائے خوردونوش کے سیمپل فیل ، صفائی ستھرائی کے ناقص انتظامات، ملاوٹ، ملازمین کے میڈیکل اور ٹریننگ سرٹیفکیٹس نہ ہونے پر 50,50ہزار روپے جرمانہ عائد ،4 فوڈ پوائنٹس مالکان کے خلاف مقدمات درج، گاڑی متعلقہ تھانہ میں ضبط کرا دی گئی۔ ڈپٹی ڈائریکٹر آپریشنز پنجاب فوڈ اتھارٹی منڈی بہاؤالدین عدیل احمد کی زیرنگرانی فوڈ سیفٹی ٹیم نے شہیدانوالی میں چربی سے بنایا گیا تقریبا 400 لیٹر ناقص تیل تلف کر دیا جبکہ ڈرم، چمچ اور سرخ مرچ سمیت دیگر سامان ضبط کر لیا گیا ملزمان کے خلاف ایف آئی آر کا اندراج بھی کرا دیا گیا۔ اسی طرح پھالیہ میں غیر قانونی فیٹ رینڈرنگ یونٹ پکڑ لیا گیا۔ متو گاؤں میں ناقص مصالحہ بنانے والا یونٹ سے ملاوٹی سپائسز برآمد ہونے پر مقدمہ درج کروا دیا گیا جبکہ مصالحہ جات پر موجود لیبل بھی قوانین کے مطابق نہ پائے گئے ۔منڈی بہاؤالدین اور بھیرووال اڈا پر ملک کولیکشن سنٹر پر ملاوٹی دودھ برآمد ہوا، جہاں پروسیسنگ ایریا میں گندگی اور مکھیاں بھی پائی گئیں۔یونٹس میں کام کرنیوالے ملازمین کے میڈیکل اور ٹریننگ سرٹیفکیٹس بھی موجود نہ تھے۔ سیمپلز فیل ہونے پر 50,50ہزار روپے جرمانہ عائد کرتے ہوئے مالکان کے خلاف متعلقہ تھانہ جات میں مقدمات درج کروا دئیے گئے۔اس موقع پر ڈپٹی ڈائریکٹر آپریشنز پنجاب فوڈ اتھارٹی منڈی بہاؤالدین عدیل احمد کا کہنا تھا کہ عوام الناس کو معیاری خوراک کی فراہمی پنجاب فوڈ اتھارٹی کی اولین ترجیح ہے ۔انسانی جانوںسے کھیلنے والوں کے ساتھ کسی رعایت کے مستحق نہیں ہیں ۔ انہوں نے شہریوں سے اپیل کی کہ وہ مضر صحت اشیاءبنانے والوں کے خلاف پنجاب فوڈ اتھارٹی کو 1223پراطلاع دیں۔ جس پر فوری طور پر کاروائی کی جائے گی۔