(Publish from Houston Texas USA)
(راجہ محمد ایوب، بیورو چیف منڈی بہاؤالدین)
انسپکٹر جنرل جیل خانہ جات پنجاب میاں فاروق نذیر کے وژن کے مطابق سپرنٹنڈنٹ ڈسٹرکٹ جیل منڈی بہاؤالدین حق نواز کی جانب سے نمایاں کارکردگی اور مثالی خدمات کے اعتراف میں اعزازی سرٹیفکیٹ تقسیم کرنے کے لئے ڈسٹرکٹ جیل منڈی بہاؤالدین میں خصوصی تقریب کا انعقاد کیا گیا۔ سینئر سپرنٹنڈنٹ جیل حق نواز نے ڈپٹی سپرنٹنڈنٹ شہزاد اسلم ججہ اور ڈپٹی سپرنٹنڈنٹ شیخ عارف نثار کے ہمراہ اعزازی سرٹیفکیٹس تقسیم کئے ۔اس موقع پر احسان اللہ ساہی ، میاں آصف شبیر ، راجہ محمد ایوب ، محمد رفیق ساہی ،اظہر اقبال قریشی ، اختر محمود بٹ ، احسان الحق ، ملک محمد افضال ، محمد نعمان اصغر گوندل ، تصدق حسین رانجھا ، تصور حسین رانجھا ، شہزاد احمد بھٹہ ، محمد ہارون گوندل ، رانا محمد فیاض ، میاں محمد عمران ، محمد اشفاق ربانی ، صفدر نذیر رانجھا رانا نوشاد احمد، لالہ محمد اعظم ، بلال اکبر ایڈووکیٹ سمیت دیگر نے اعزازی سرٹیفکیٹ وصول کیے۔ چوہدری احسان اللہ ساہی بیورو چیف روزنامہ سماء و نمائندہ پی ٹی وی نیوز منڈی بہاؤالدین راجہ محمد ایوب اور دیگر شرکاء نے اس حوصلہ افزائی پر سپرنٹنڈنٹ جیل کا شکریہ ادا کرتے ہوئے کہا کہ اس اعتراف سے نہ صرف اعتماد بڑھتا ہے بلکہ آئندہ مزید بہتر کارکردگی دکھانے کا جذبہ بھی پیدا ہوتا ہے۔تقریب میں نظم و ضبط، اصلاحاتی اقدامات اور اسٹاف کی پیشہ ورانہ کاوشوں کو خراجِ تحسین پیش کیا گیا، تقریب سے خطاب کرتے ہوئے سینئر سپرنٹنڈنٹ ڈسٹرکٹ جیل حق نواز کا کہنا تھا کہ بہترین کارکردگی دکھانے والوں کی حوصلہ افزائی ادارے کی پہلی ترجیح ہے۔ میں آپ سب کا دل کی گہرائیوں سے خیر مقدم کرتا ہوں آپ وہ لوگ ہیں جنہوں نے نہ صرف اپنے وسائل بلکہ اپنی توجہ محبت اور احساس ذمہ داری کو ہمارے قیدی بھائیوں کی اصلاح و فلاح کے لئے وقف کیا،آپ کے تعاون سے یہاں کے اصلاحی نظا م کو تقویت ملی اور قیدیوں کے دلوں میں یقین پیدا ہوا کہ معاشرہ ان کے لئے دروزے بند نہیں کرتابلکہ انہیں سنوارنے کے لئے ہاتھ بڑھاتا ہے،آپ نے عطیات سرگرم تعاون اور عملی اقدامات سے اس ادارے کو بہتر بنانے میں جو کردار ادا کیا ہے وہ قابل تحسین بھی ہے اور قابل تقلید بھی،قیدیوں کی تعلیم،ہنر فلاح اور بحالی کے لئے آپ کا جذبہ دراصل انسانیت کی خدمت ہے اور انسانیت کی خدمت ہی سب سے بڑی عبادت ہے میں اپنی طرف سے اور ضلع منڈی بہاؤالدین کی جیل انتظامیہ کی جانب سے آپ کا تہہ دل سے شکریہ ادا کرتا ہوں،اللہ تعالیٰ آپ کے رزق،صحت اور عزت میں ہمیشہ اضافہ فرمائے اور آپ کو اس نیکی کا بہترین بدلہ عطا کرے،آپ کا تعاون ہمارے لئے باعث عزت بھی ہے اور باعث حوصلہ افزائی بھی،شکریہ کہ آپ نے اس مشن کو صرف ہمارا نہیں بلکہ اپنا مشن سمجھا۔تقریب کے آخر میں تمام شرکاء کے اعزاز میں بہترین لنچ پیش کیا گیا ۔
